一行人由differ出嚟之後意猶未盡，不過泰國嘅Pub或者Disco其實大部份都係半夜1至2點收工，所以我哋跟住就轉戰芭堤雅嘅不夜天Holly Wood Pattaya，呢度唔止開得特別夜，仲特別夠放夠熱鬧。不過可以同各位講聲先，呢個場亦係「同志」們嘅眾集熱點，如果好似我哋咁拖男帶女一齊去就冇乜所謂，單拖或者三兩個麻甩仔走落去，就要小心俾人誤會囉！Holly Wood Pattaya嘅註場DJ揀歌打碟的確有料到，令嗰晚嘅氣氛越夜越美麗，周圍沖同我呢位新識嘅女朋友阿Palm好快就喺舞池中打得火熱，等唔切大隊就先行撇咗，至於我哋有乜嘢下文囉喎．．．咁就當然係做愛做嘅事啦！