亞洲地區嘅啤酒文化，同歐洲相比，其實真係不能同日而語，不過響曼谷嘅Tawandang，你就可以感受到有如置身歐洲嗰種痛快嘅碰杯風味！呢度除咗係三五知己飲返兩杯嘅好地方之外，老式Live Band更會演出唔少經典嘅英文金曲或者泰國地道音樂，充滿懷舊味道。而每逢星期六、日晚，佢又會變成睇波熱點嘅球迷大本營。總之，Tawandang嘅唔同風格，總有一款會啱你口味！