正所謂三軍未動糧草先行，我哋成班炮兵未發炮前當然要先祭五臟廟。第一站目的地係距離芭堤雅市中心十幾分鐘車程嘅Mum Aroi，呢度位處一個坐擁無敵海景嘅沙灘，食嘅又係最新鮮生猛嘅地道海鮮，加上消費唔算高，並非嗰啲見你係遊客就斬你一頸血嘅黑店，所以雖然要搭一程車先到，不過依然晚晚都客似雲來。周圍衝都係全靠有個當地領隊帶路先搵到呢間咁正嘅海邊餐館，如果唔係今晚節目太豐富，真係想睇完日落歎多陣海風先走呀。